Thanks a lot Richie, Winky. aaj tum logon ki wajah se hum mummy ke liye apni apni bhavnao ko vyakt kar paa rahe hain.
A Very Very Happy Birthday to you Mummy.
Mummy aur papa vat vriksha hain jo yugon yugon tak stambh ki tarah khada rehta hai, jise hilana kisi aandhi toofaan ke
vash me nahi hota.Mummy aaj aapke vriksha ki shaakhayenitni faail gayee hain aur hindustaan hi nahi videshon me bhi
parcham lehra rahi hain.
kaal ke kroor chakra ne aapko humse cheen to liya par vo humaaare dilon se aapki smriti kabhi bhi nahi mita paayega.
Mummy aaj bhi mujhe aisa lagta haijaise aap mere saath har pal rehti hain. Mere Birthday ke din aisa lagta hai jaise
aap keh rahi hain HAPPY TO YOU Beta. Mummy ye aaj bhi aapke haath ka misallam aur pulao banana yaad karte hain. kehte hain
tum log to mummy ki tarah bana hi nahi sakti ho. Mummy ye sirf aapke haath ka gobhi ka aachaar khate the kehte hain
koi vaisa bana hi nahi sakta hai.
Mummy mujhe aaj bhi nahi samajh aata hai aapko kaise pata chal jaata tha ki mujhe bhookh lagi hai. Aap meri aankhon
me aasoon dekh kar samajh jaati thi aur kehne lagti thiki Aneeta ko bhookh lagi haichaliye jaldi khana kha liya
jaaye.
Mummy mujhe aaj bhi yaad hai main Inter ke exam ki tayyaari kar rahi thi aur aap rotiyan bel rahin thi. Jab rotiyan
ban gayeen tab aap mujhe aur mousi se boli ki main soch rahi thi ki roti banane ke beech me tum log mere saamne nah aayo,
aaogi to 2nd division aa jaayega nahi to 1st division aayega. Aur sach me dekhiye 1st division aa gaya.
Mummy ek bahut bada gun aapme tha ki aap pareshaaniyon se doosre ko pareshaan nahi karti thi. Vaise Bhagwaan ne aapko
shuru se bahut pareshaaniyan di sabko khushi khushi aapne nibhaya. Mummy jab aapke khushi ke din aane waale the tabhi aap
hum logon ko chhod ke chali gayeen magar Papa aaj bhi aapki saari paramparaon ko nibhate hain.
Mummy mere sasuraal me sabhi aapki khoosoorati ki tareef karte hain. Aapke smartnesski tareef to har jagah hoti hai.
Mummy aaj bhi Rohan aapke haath ka thekuaa ke liye kehta hai. Aaj meri Naniji rehti to seconds me thekuaa aa jaata.
Mummy sach me Rohit,Rohan,Sona,Zoya,Richie,Winky,Shaurya ye sabhi aapka pyaar paaye hain. Rohit ko to cerelac khaana
aap hi ne sikhaya hai.Rohi aur Rohan to har chuttiyon me aapke aur papa ke paas jaane ke liye tayyaar rehte the.
Mummy yaaden to bahut hain shaayad ek kitaab tayyaar ho jaaye.Vaise Mummy aapko hum sab bahut miss karte hain.
We Love You Mummy.
Aneeta, Mehmaan
Rohan, Rohit
No comments:
Post a Comment